أدب
رحلة العمر للشاعر عبد المنعم حمدي رضوان
الشاعر عبد المنعم حمدي رضوان
مرت سنين العمر سنه
وراها سنه وتسرسبت
زي فيلم سيما احداثة
مرت قصادى اتسلسلت
في رحله العمر الطويل
ظروف كتير اتحكمت
نفسي منهااتشكلت
وترتبت واتعلمت واتالمت
وادتني ياما الدنيا ضهرها
لكن كتير اتبسمت
ضهري انكسروانحنى
واتعدل ونفسي منحنت
حققت فيها احلام كتير
ياما و آحلام اتبددت
ولما مال الزمان ملت
معاها لحد لما أتعدلت
اليأس صابني ساعات
لكن عمرنفسي مسلمت
ونسيت كتير ذكريات
لكن فى أحداث علمت
بقي منهاذكرى محفوره
جوه نفسي اتسجلت
تجترها نفسي فى ساعات
الفرح أو لو اتالمت
وفى انتظار خط النهايه
وفيه النهايه اتحددت
غلطت لكن لو عادالزمن
هعدها زى متسلست
