أدب

مراية

 

بقلم عبدالله رجب ابوعدنان
ببص ف مراية

مكسورة
زيي مقهورة

عيوني حزينة

تملى العتمة

وحي الكلمة

ترسم نهاية
الأحزان

ما انا اية غير عاشق

نفسي أمضي ف طريقي

بحق وحقيقي
اعدي طريق الليل والضلمة

وللمعاني بسابق
وفرس النهر حيران

وشي مش لاقية
ما بين وشوش
كتير

أنا اللي كلي عشق وغرام

قايم مفزوع ف المنام

كل دا حقيقة ولا أحلام
ولا شعاع نور

ما بين السحاب

ابص للسما

دموع الخريف
الورق يدبل

خايف لا القلم يمل

والقصيدة حروفها خوف

وأمل مكسوف

وما راح تكمل

ب الأوان

ازاي الاقيني

البسمة ع جبيني

حتى سنيني

على ضهر حصان مخطوف

واللي خطفها أحزاني

حتى عنواني

ما بين النجوم
ما عاد معروف

والدرع انكسر من زمان

ولما اعوم

ما معايا مجداف

رصيدي قلمي

بصيص من حلمي
رغم حزني وعلمي

إن الطريق صعب
ولية كل العجب؟

كل اللي حوليا رتوش

الفرحة ضلت طريقها

القصيدة ما بتنطق حروفها

بتعصي رفيقها

ف زمن مغشوش

يمكن تباريح

تكرة الحلم

تبغض الفصيح

خيوط الألم

ف حروفي منقوش

اكمني إنسان

ما بين السباع

ازاي يعيش الجبان؟

ازاي يعزف الألحان؟

أو يردد غنواية

وهوا لسة بيبص ف المراية

مراية… عبدالله رجب ابوعدنان

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى