الشاعر / عبد المنعم حمدى رضوان
خلى بالك الكفن سلت
ملت ملوش جيوب
لما تخرج من دنياك تأخد
معاك كفنك يادوب
لاعقار ولا تراث ولا مال
ولا رياش وطيوب
يقسموا الورث على الورثة
كل واحد ياخد نوب
فيهم من يترحم عليك
ومين يتذكرلك العيوب
تتحاسب أنت ازاى جمعته
وكل شئ محسوب
يتمتع الكل بمالك وتتسأل
عنه وكله عليك مكتوب
المال عطية الوهاب زكى
وأتصدق تمحى الذنوب
الدنيا متاعها زايل مالو
عازه دنيا غرور ولعوب
القبر وحشه وعتمه ودود
قبل الموت أتعظ وتوب
أعمل حساب آخرتك وأتقى
ربنا التقوى أحلى توب
https://www.elmasryeldemokraty.com/?p=136470&preview=true
