محلية
.مصر بتتغير للافضل بجهود السيد الرئيس السيسى
شكرًا. سياده المحترم وزير النقل كامل وزير علي حسن الادارة
…مصر بتتغير للافضل بجهود السيد الرئيس السيسى …….شكرًا. سياده المحترم وزير النقل كامل وزير علي حسن الادارة
هيام الشامي.. تكتب
فى المصرى الديمقراطى بمكتب الدقهلية
حدث معي اليوم
كنت حاجز تذكره قطار VIP الجيزه
اسوان درجه اولي عربه ١ كرسي ١٥ لما دخلت القطار لقيت حد قاعد مكاني لما
قلت له دي مكاني قالي لا انا حاجز المقعد ده القاهره قنا
جبت رئيس القطار والمفتش شاف التذاكر وقالي تمام التذكرتين تمام بس
هو اللي حجز الاول هو احق بالكرسي
طيب انا اعمل ايه حضرتك؟؟
استني لما اراجع التذاكر ممكن الاقي مكان فاضي
وانا حفضل مستنيك ساعتين علشان تراجع ولو لقيت كمان ومفيش مكان
اصلا اعرف اقف فيه من الزحمه ؟؟؟
انا اعملك ايه ده مش ذنبي ولا غلطتي !!
ولا ذنبي انا عايز حل دلوقتي ؟؟
معنديش حل غير انك تستني اعملك ايه !!
حاولت اتصل بشكاوي وطوارئ السكه الحديد اما مشغول او محدش بيرد !!!
اتصلت بمكتب وزير النقل من اول مره رد عليا شخص محترم اسمه الاستاذ رضا
شرحت له الموقف وخد رقم تليفوني وقال ١٠ دقايق والمشكله حتتحل وحقك حتاخده احنا اسفين !!
٥ دقايق لقيت رئيس القطار والمفتش والكمسري جايين بيتاسفوا ويعتذروا وخدوا حاجتي علي عربيه ٤ مقعد ٢٧ وقالي حتوصل لحد اسوان بالسلامه محدش حيقومك
بعدها ٥ دقايق استاذ رضا اتصل قالي تمام عندك اي مشكله تانيه قلت له تمام بس خدوا مني التذاكر
قالي دي تعليمات علشان اتحولت شئون قانونيه وحتجيلك حالا ايصال ورقي مكان التذكره
وفعلا حصل جالي رئيس القطار واعطاني ايصال وقالي احنا اتجازينا كلنا خصم ٥ ايام من مكتب الوزير
كلمت الاستاذ رضا استسمحه انهم ملهمش ذنب
رد وقالي ذنبهم انهم اتعاملوا معاك بسلبيه ومحاولوش يحلوا المشكله وسابوك ومشيوا والمشكله قائمه وانت علي حق
بعدها بساعتين جالي المفتش واعتذر تاني انه مفيش تكرار في التذكره وان التانيه كانت عربه ٣ مقعد ١٥ والشرطه اتمسحت من ٣ وباللغه الانجليزيه هي عربه ٣ ومحدش فيهم فكر حتي يراجع التذاكر كويس واللي اكتشف الغلطه دي هو مكتب الوزير بعد ما صور التذاكر وصلت عندهم
فعلا ربنا يعينك يا سياده الوزير علي موظفين السكه الحديد
واحب احيي مكتب سياده الوزير علي الايجابيه وسرعه التصرف والاهتمام والمتابعه وسرعة اتخاذ القرار
شكرا استاذ رضا علي الاهتمام والمتابعه
مصر بتتغير 🇪🇬🇪🇬🇪🇬
