غير مصنف
كلنا واحد الشاعر/حارس بخيت
كلنا واحد
الشاعر/حارس بخيت
كلنا واحد وعدونا واحد
ودمنا واحد وبنعبد الواحد
من أم وحده وأب واحد
ياما حاولوا يفرقونا
ياما حاولوا يوقعونا
ونسيوا إننا يد وحده
في وطن واحد
طول عمرنا اصلنا دمنا واحد
مسلم ومسيحي بنعبد الواحد
ولا عمرنا هنتفرق عن بعضنا
مهما حصل لنا بنحب بعضنا
وهنبني بلدنا كلنا بحبنا
كلنا واحد و عدونا واحد
ودمنا واحد وبنعبد الواحد
عايشين علي أرض وحده
وتحت سما وحده
و بنشرب ميه وحده
من نيل واحد
في مصر السماحه و السلام
في المصري من الاديان
وربك هيحاسب كل إنسان
الدين المعاملة وربنا الديان
و المحبه أساس في الاديان
زي ما ربنا و صنا
في التوراه والانجيل والقرآن
كلنا واحد وعدونا واحد
ودمنا واحد وبنعبد الواحد
من أم وحده وأب واحد
