تقدمه / هبة صالح
للى ميعرفوش ده نوع من أنواع الخبز المصرى بيكون كفطار سريع مع الشاى طعمه مميز
مقادير العجينة
كيلو وربع دقيق
م محلب
م كركم
نص م ملح
لبن دافى للعجن
كوب سمن سايح
*الخميره
حفنه حمص(كبشه ايد)
كوب لبن مغلى
الأول نجهز الخميرة لأنها الأهم نحط اللبن ع الحمص فبرطمان ونقغله كويس ونلفه بفوطه ولو مش هتستعملى الفرن حطيه فيها او فاى مكان دافى ونسبها يوم كامل فالجو ده ولو فالشتا أو مستعجلين نسخن الفرن كل شويه كام دقيقة ونطفيه
تانى يوم بقا نخلط مكونات العجين الجافه سوا ونضيف السمن ونعجنها وبعدين نحط الخميرة اللى عملناها عليهم بعد مانصفيها نأخد اللبن فقط ونعجن باللبن الدافى شوية بشوية لحد ماتلم العجينة ونيجى للمرحلة دى اللى محتاجه عضلات بقا نعجن كتير فعجينه الفايش على قد ماتقدرى ونلمها كوره ونحطها فطبق عمييق ونقفلها بالبلاستيك استرش ونغطيها بفوطه وندخلها مكان دافى تتخمر تانى ومع الجو الحر ده هتاخد حوالى 6ساعات ع الاقل ونطلعها نعملها صوابع رفيعه ونبلها زيت ونرصها جمب بعض بس اللى نرصه فالصاج نغطيه بفوطه لحد مانخلص الكميه بتاعتنا نكسب خمر زياده وندخله الفرن يستوى ع 220تقريبا ولما يطلع نفكه من بعضه ونقلبه ع جمبه وندخله فرن هاادى يتحمص ساعات كنا بنشيل كام واحده قبل التحميص بتبقى حلوه برضو وبس كده
