حوار : سارة ضو
كان حوارنا معاه عن العناية بالشعر و تجنب كل ما يضره تابعوا حوارنا
* مسيو رحيم ايه روتين اسبوعي ممكن اي بنت تعمله في البيت عشان تحافظ على شعرها من السقوط و التقصف ؟
-غسل الشعر مرة واحدة في الاسبوع لأن الدهون الطبيعة اللي بيفرزها الشعر مفيده لازم يستفيد منها الشعر ؛ بلاش صبغة كتير لأن تكرارها يجهد الشعر
* لما بتيجي لك عميلة بتسألها عن القصة اللي تحبها ولا بتقترح عليها قصات ؟
-بقترح عليها قصات شعر تليق مع وشها و لما بتشوف موديلات بتقتنع
*في عميلات بيغلبوك شوية و يصمموا على حاجات لا تليق بهم ؟
– آه بيحصل أحياناً لكن في النهاية بيقتنعوا بكلامي.
* ايه افضل انواع البواريك و ميزتها ؟
-في انواع بتستخدم و تبان طبيعية و بتتغسل و تتصبغ ؛ بيكون مدتها اكتر من سنة و بتتعالج ؛ و طبعاً استخدامها ممكن يحافظ على الشعر لأن اللي بتستخدام مش ح تحتاج تصبع او تفرد شعرها و بالطريقة دي تقدر تعالجه بسهولة.
*إيه الفرق بين البروتين و الكرياتين و الكولاچين ؟
و هل كل شعر يناسبوا حاجة منهم و شعر تاني يناسبوا نوع أخر ؟
– الكرياتين ٤٪ فورمالين و ممكن يبقى اكتر بيفرد الشعر جداً لكنه اكتر ضرر للشعر و لذلك لا استخدمه ولا انصح به .
البروتين ٢٪ فقط فورمالين
الكولاچين ١.٥٪ و هو أكثر أمان للشعر عن الكرياتين
و بقترح على العميلة النوع اللي يناسب شعرها اكتر .
* هل ممكن تيجي لك عميلة تطلب صبغة قوية او بروتين و انت ترفض عشان شعرها ضعيف او ح تجرب تقنعها بنوع او لون لا يضر شعرها ؟
– بحاول اقنعها بالأنسب لها و لو اختيارها يضر شعرها برفض لأني بتهتم اني اكسب عميلات و ليس مكسب مادي يجعلني بعد كده اخسر عميلات .
* البنات تستخدم الزيوت إزاي لأن في كتير بيستخدموها غلط ؟
– الزيت يستخدم مرة واحدة كل ثلاث شهور لأن كتر استخدامه يقصف الشعر ؛ و ده بخلاف السيرم فهو يستخدم بشكل دوري بدون ضرر
* و اخيراً قُل نصيحة عامة للبنات لشعر صحي ↓
– اقول للبنات الصغيرة شوية اهتموا بشعركم و بلاش صبغات كتير أو ألوان قوية يكون فيها ضرر للشعر زي الأحمر و الاصفر ممكن بس خصلات مش كل الشعر او لون موحد و لكن لون فيه تغير بسيط مش من الالوان الصارخة .
