اخر كلام الشاعر المصري أحمد إبراهيم

اخر كلام

الشاعر المصري /احمد ابراهيم 

منيش صديق

ولا مرسل من الملكوت

ولا حتي في يوم

يونس في بطن الحوت

ولا كنت في يوم نمرود

ولا درويش من الدراويش

ولا هلفوت

ولا فتوة ولا جبروت

ده انا واحد بعيش اليوم

على بكره على امسي

وتغرب مني انا شمسي
بكل برود

تموت الضحكه في عيوني

ويصرخ فيا مليون صوت

منيش صديق

ولا مرسل من الملكوت

ولا فرعون بأوصافه

ده انا واقع في ميت اخدود

ونار بتفوت

على الأوجاع وبتسلم

واعيش بالجرح متألم

ولا قولتش في يوم الاه

يعدي اليوم ويرجع يوم

وانا ماشي في وسط حياه

بعيش يومي

وانا عايش في سكة موت

خداع في خداع

ومالي نفوس

على كوكب

كاسية الغش والجبروت

نفاق في نفاق

غباء ورياء وليل منحوس

نهار مغشوش وفجر جريح

وشمس غروب واعيش مكتوب

مالوش مهرب

ولا قادر في يوم اهرب

واعيش في سكون

ماليه الخوف

من الأيام

من الأحلام

من الماضي

من الحاضر

من الواقع

وانا الواقع في بير يوسف

وليا زمان بعيش في سكوت

منيش صديق

ولا مرسل من الملكوت

ولا حتي في يوم

يونس في بطن الحوت

ولا كنت في يوم نمرود

ولا كنت في يوم نمرود

بقلم الشاعر المصري أحمد إبراهيم النجار

بتاريخ 3/6/2019