إنت نسيت
* * * * * * * *
من كتابات الشاعر/..إبراهيم محمد
إنت نسيت إنى أنا
إللى معاك آسيت
لما عليت وكبرت
أنا إللى إتناسيت
نسيتنى أنا
إللى على إيدى عليت
علو السما
دلوقتى انا إللى إتناسيت
أنا مستحيل
أبنى فى أمل ويضيع هدر
مستحيل رد الجميل
إنى انكسر
مش بكلمه تنهى بيها كل شىء
مش بكلمه ينكسر قلبى البريء
وأوعى تقول ده نصيب أو ده قدر
لا يا حبيب عمرى وحياتى افتكر
إنت نسيت
أنا مش هاسيب
عمرى اللى راح وتعبت فيه
مش هاسيب
واقول سماح واندم عليه
مش هقول راح إللى راح
واعيش بجرحى
مش هاعيش انا والجراح
باينه فى ملامحى
ومش بكلمه تنهى بيها كل شىء
مش بكلمه ينكسر قلبى البريء
وأوعى تقول ده نصيب أو ده قدر
لا يا حبيب عمرى وحياتى افتكر
إنت نسيت
* * * * * * * * *
إنت نسيت
كلمات الشاعر
إبراهيم محمد
