قلوب من حجر"

بقلم / سلوى وحيد
هو أية اللى بيحصل ياتري احنا اخر الزمان ولا فيه ڤيروس فى الجو ؟
هو اللى بيحصل الأيام دى طبيعى .. أم تضحى بإبنها علشان المفتاح ضاع منها تدفع ابنها من شباك السلم فى الدور الرابع علشان يفتح لها باب الشقه ، هل دايعقل .. واب عادى يدافع عن زوجته فى القسم أنها معهاش اجرة النجار اللى هيفتح لها الباب ، ولا أكن ابنه كان هيروح ضحية التصرف الغريب من الام ، بالبساطة دى !.
ولا أم ترمى ابنها شاب عنده عشرين سنة فى غرفه مظلمه بها تعابين وقمامة لمدة عشر سنوات وترمى له الطعام زى اى حيوان اعزكم الله والجيران احن منها علية يبلغوا الشرطة تنقذه منها هل دا يعقل !.
ولا الأب اللى طوعته أيديه يقتل زوجته وفلذات اكباده التلاته ،
لوقلنا الزوجه مش من دمه ولحمه واستغفر الله مش كويسة وبتخونه على حسب كلامه ،
طيب ازاى قلبك طاوعك تدبح الاطفال التلاته ذنبهم أيه.. ازاى قدرت تمسك السكين وتمشيه على رقبة ابنك ، وهل مافوقتش فى أول طفل دبحته وشوفت منظر الدم وضناك قدامك ، بتكمل على التانى والتالت ياجبروتك !. أيه الناس اللى حطه مكان قلبها حجر !.
ولا اغتصاب المحارم الاب لبنته سنها ١٦ سنه وزوجته عايشه معاه. البنت تسكت على كدا ازاى ، دا الغرب معملوش كدا اللى أغلبهم لايعترف بدين ولاحلال ولاحرام !.
ولا الزوج اللى ربط مراته الشابه بالحبال وكتفها ويغتصب اختها الصغيره قدامها هو فيه أيه احنا فينا أيه ، اين ديننا ؟. فين اخلاقنا اللى اهالينا ربونا عليها العيب والحلال والحرام فيييه أيه؟؟؟…