يكتب/الشاعر المصري أحمد إبراهيم النجار
علي عيني
تغيب الشمس من عيني
واعيش ليلى على شموعي
وتدوي الصرخة فى ضلوعي
ويخلص يوم ويرجع يوم
وانا ماشي ف طريق شوكي
وبتألم مابتكلم
عليكي الدمعه بتسلم
بتحكيلك على حالي
ويسري الدم في عروقي
على عيني
تموت اشواقي ع الأغصان
وتدبل كل اوراقي
على عيني
اعيش مشلول ولا حابي
وتخلص كلمة فى كتابي بشهادة موت
واعيش يومي كما الأموات
واردد سورة الفاتحه
وامشي الرحله مكتوبة ومرسومة
على لوحة الم مشتاق
لصرخة جرح ماليني
على عيني
مقولتش اه ولا قادر
ده ااااااااانا صوتي
خلاص بيموت مع شمسي
بعيش بكرة كما امسي
ولا تحسي بأوجاعي
على عيني
بتصرخ دمعتي صرخة
وبلعن كل اشعاري والحاني
وكلمة حب مكتوبه على سطوري
على عيني
اكون شاعر وغاب أحساس
كتير م الناس وضاع صوتي
على عيني
اعيش واحد من الأحياء
وادوق موتي
على عيني
بتصرخ دمعتي جامعه
بتجمع كل أوراقي مع الأشواق
واعيش ماشي على الاشواك
وينشف دمي فى وريدي
على عيني على عيني
بقلم الشاعر المصري أحمد إبراهيم النجار
