كتبت / رحمة مجدي
تشهد مدينة بنها بمحافظة القليوبية على حالة نادرة لا تصادفك كل يوم بل يمكن أن تحيا وتموت ولا ترى مثلها .. “سارة هشام” ابنة الثلاثة وعشرون عام كانت تعيش حياة طبيعية جدا حتى بدأ كل شيء قبل خمسة أعوام ..
تروي سارة ” اتجوزت وأنا عندي 18 سنة واتطلقت وانا عندي 20 سنة بسبب التعب ده.. اول سنة في تعبي كانت اكتر حاجة بتحصلي إني أحس إن في حاجات غريبة في البيت وكان بيحصلي تشنجات لما بسمع قرآن ، روحت لشيوخ كتير قالولي دة سحر ومحتاج علاج ، دخلت ناس سحرة كتير بيتي مكناش فاهمين ده صح ولا غلط ..في منهم اللي كان بيضربني واللي كان بيخنقني واللي يرش حاجات غريبة في بيتي واللي يولع حديد ويوقفني عليه .. واحدة واحدة كانت حيطان بيتي بتتشقق والشقوق دي ينزل منها دم وعيني بينزل منها دم وشقتي كل حاجة فيها بتتكسر ، فضلت سنتين بالشكل ده لحد ما تعبت ونفسيتي تعبت وسيبت بيتي واطلقت ، لكن التعب برضو مراحش !! كملت طريقي مع الشيوخ روحت لاكبر شيوخ في مصر وصرفت كل فلوسي لحد ما علامة الصليب دي بدأت تظهر ؟!… سيبت كل الشيوخ دلوقتي ومابروحش لحد لإني مش لاقية اللي يعرف يساعدني بجد .. كل حد بيجي يجرب و يمشي “
وعن حياتها اليومية وتعاملها مع من حولها قالت سارة :” انا مش ميتة ، عايشة حياتي عادي بلبس وبخرج وبعمل اللي نفسي فيه ، مش سايبة نفسي للإكتئاب ..”
حالة سارة فريدة من نوعها ربما سمعنا كثيرا عن السحر واستخدامه في أذى الكثيرين و لكن عندما تقف امام حالة كهذه ، بالتأكيد سوف تفكر الف مرة قبل أن تصدر حكماً .. أما إذا أتى في ذهنك إمكانية أن يكون هذا المرض نفسي أو عضوي فقد قامت سارة بعمل الفحص اللازم و تبين أنها لا تعاني من أي أمراض نفسية او عضوية ، فقط زيادة بسيطة جدا في كهرباء المخ وأكد الأطباء أنها لا تؤثر في أي شيء..
إذا كنت تصدق في وجود السحر ، فما هو العلاج المناسب لتلك الحالة ومن الذي يمكنه المساعدة ؟!
واذا لم تكن تصدق في السحر وما وراء الطبيعة فما هو تفسيرك المنطقي لما تراه !!!
