مقالات وتقارير

قصيدة/ قطر المساكين

قصيدة/ قطر المساكين
🔥🚟🚧🚧🛑🛤️⁩⁦🛤️🔥
النوم طار مالعين
ما الهم تمللي فارد دراعين
هو ده حال الغلابة الشقيانين
حال اللى عايش يحمده طول السنين
لا يوم سخط على حاله
ولا يوم مد ايده للمفسدين
لا بالعكس عايش يومه بالرضا
عايش حياتة زى كل المساكين
مالك يا عم فهيم!!!
ايه اللى جرى للفؤاد والحنين
اتغيرت ليه؟؟ ضاع الدليل!!!
قالي أفهم يا ابن أمين
الصبر جوايا ناسج حكاية
اسمها الجوع الأليم
ماسك فى اللى كان متهم
وفى الحقيقة هو برئ
هو فى الحياة حالة شبه الغريق
بيعافر فى الزمن طول الطريق
كل أمله لو اتدفن يقولوا عليه
🤐🤐ماااااااات شهيد😓😓
وفى يوم ركب فهيم قطر الغلابة الشقيانين
شايل تلال من الوجع والأنين
متدارى بابتسامة رضا متعطرة
بسبحة جابها من سيدنا الحسين
سارح فى الملكوت جواااه الحنين
نفسه يوم يحج أو حتى عمرة لو يومين
سارح فى هم السنين
والزمن تارك علامة فى كل جسمه
خطوط اشبه بقطر الغلابة الطيبين
وفى محطة مصر مااات فهيم
لحظة ما انفجر قطر الغلابة بالرصيف
والكل يصرخ من الحريق
بس فهيم كان على الشبك فوق الجميع
والنار بتفتح حضنها
والضلمة فتحت صدرها للشقيانين
ونااااس بتجرى ونااااس تطفى
ونااس جايه من خيبتها تاخد سيلفي
وناس قاعدة لسه بتحكي
وناس شافت كلامي قعدت تبكي
وناس مش فارق معاها مين جانى ومين مجني
اما فهيم مات والسبحة هتفضل تبكي
هتفضل للمولى ليلاتى تدعي
على اللى يوم خان البلد،قتل الولد
لحظة ما جاب بالواسطة مسئول مرتشي
حط الغلابة فى قطر مع سواق مفتري
كلمات الشاعر/ أمير خلف

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى